Қазақстан Республикасының Тұңғыш Президенті күніне арналған қалалық форум өтті

2018 жылғы 29 қарашада Приозерск қаласында Қазақстан Республикасының Тұңғыш Президенті күніне арналған қалалық форум өтті.

Қазақстан Республикасының Тұңғыш Президенті күніне орай ұйымдастырылған алқалы жиынға қала мекемелерінің қызметкерлері, кәсіпкерлер, мәдени орталықтар мен ҮЕҰ ұйымдар өкілдері, жастар қатысты.

Бүгінде ұлт көшбасшысының биік саяси бейнесі, зор тарихи тұлғасы ұлтымен ажырамас егіз ұғымға айналды. Елбасының сындарлы саясаты арқасында елімізде әлеуметтік-экономикалық және қоғамдық-саяси реформалар табысты жүзеге асып, Қазақстанды жаңа ғасырдағы бәсекеге қабілетті мемлекет ретінде әлемге паш етті. Жиынның алға қойып отырған мақсаты да осы. Елбасы Нұрсұлтан Назарбаевтың өмірі мен қызметі, өскен-өнген, оқыған ортасы, тәуелсіз Қазақстан мемлекетін қалыптастырып, дамытудағы ерен еңбегін насихаттау. Қолдап-қуаттау. Форумды Приозерск қаласының әкімі  кіріспе сөзбен ашып, атаулы күннің мәні мен маңызына кеңірек тоқталды.

Бұдан өзге форум барысында, қаламыздың тұрғыны, жеке кәсіпкер Ж.Әлібаева, «Исток» славян этномәдени орталығының мүшесі Е. Литвинова және қала жастары атынан Е. Түлек өз сөйлеп, айтулы датаның ауқымдылығына тоқталып, тәуелсіздік жылдарында Қазақстанның жеткен жетістіктері мен дамуы жайында кеңінен әңгімеледі.         

          Қаламыздың әкімі Қайрат Амангелдіұлы Камзин тұңғыш Президент күніне орай қаламыздың көркеюі мен экономикасының өсуіне өзіндік үлесін қосып жүрген азаматтарды марапаттады.

          Форумның салтанатты бөлімі «Күміс көмей, жез таңдай» атты өңірлік патриоттық әндер байқауымен жалғасты. Байқауға Қарағанды, Балқаш қалаларының, Ақтоғай ауданы Сары-шаған  кентінің, сонымен қатар қаламыздың жас әншілері қатысты. Әділқазылардың шешімі бойынша  бас жүлдені Қарағанды қаласының жез таңдай әншісі Жаманова Айгүл иеленсе, 1 орынды Сары-шаған кентінің әншісі Нұрмаханбет  Жомарт, 2 орынды қаламыздың жас әншісі Тұрсынбеков Мерей алды. Ал жүлделі  3 орын Балқаш қаласынан келген әнші Амантаев Жанғалиға бұйырды. Жеңімпаздарға бағалы сыйлықтар мен грамоталар табысталды.